Sunan Al Bayhaqi: Hadith 18853

(١٨٨٤٧) سلیم بن عامر حمیر کا ایک شخص بیان کرتا ہے کہ حضرت معاویہ (رض) اور رومیوں کے درمیان عہد تھا۔ امیر معاویہ (رض) ان کے شہروں کی طرف چلتے تاکہ جب عہد کی مدت ختم ہو تو ان پر حملہ کردیں۔ ایک شخص گھوڑے پر سوار ہو کر آیا۔ وہ کہہ رہا تھا : اللہ بہت بڑا ہے، اللہ بہت بڑا ہے ، عہد کو پورا کرو دھوکا نہ دو ، انھوں نے دیکھا تو وہ عمرو بن عبسہ تھے تو معاویہ (رض) نے آدمی بھیج کر پوچھا تو اس نے کہا : میں نے رسول اللہ (صلی اللہ علیہ وآلہ وسلم) سے سنا ہے ، جب آپ اور کسی قوم کے درمیان عہد ہو تو اسے مزید پختہ یا ختم نہ کریں، جب تک مدت ختم نہ ہوجائے یا برابری پر عہد کو ختم کردیں۔