Sunan Al Bayhaqi: Hadith 18970

(١٨٩٦٤) حضرت جابر (رض) فرماتے ہیں کہ رسول اللہ (صلی اللہ علیہ وآلہ وسلم) نے ساحل سمندر کی جانب ایک چھوٹا لشکر بھیجا، ہمارا زاد راہ ختم ہوگیا یہاں تک کہ ہم نے تمام لشکر سے زاد راہ کو جمع کیا اور ہر دن ایک شخص کے حصہ میں صرف ایک کھجور آتی تھی۔ ایک شخص نے جابر (رض) سے کہا : اے ابو عبداللہ ! کیا ایک کھجور انسان کو کفایت کر جاتی تھی ؟ اس نے کہا : اے بھتیجے ! ہم نے زاد راہ کے ختم ہونے کو پا لیا جس وقت وہ ختم ہوگیا، جابر (رض) کہتے ہیں : اسی دوران ہم نے بہت بڑی چیز دیکھی ۔ جب ہم اس کے قریب گئے تو وہ سمندر سے باہر ڈالی گئی مچھلی تھی تو لشکر نے وہاں اٹھارہ دن قیام کیا وہ جتنا چاہتے کھاتے یہاں تک کہ وہ موٹے تازے ہوگئے۔