Sunan Al Bayhaqi: Hadith 1965

(١٩٦٥) عبداللہ بن زید بن عبد ربہ سے روایت ہے کہ جب رسول اللہ (صلی اللہ علیہ وآلہ وسلم) نے مشورہ کیا کہ ناقوس بجاکر لوگوں کو نماز کے لیے جمع کریں اور آپ (صلی اللہ علیہ وآلہ وسلم) یہودیوں کی موافقت کی وجہ سے اس کو ناپسند سمجھتے تھے ایک رات، میرے پاس چکر کوئی شخص آیا اور میں سویا ہوا تھا، اس پر دو سبز کپڑے تھے اور اس کے ہاتھ میں ناقوس تھا، میں نے اس کو کہا : اے اللہ کے بندے ! کیا تو اس ناقوس کو بیچے گا ؟ اس نے کہا : تو اس کا کیا کرے گا ؟ میں نے کہا : میں نماز کے لیے لوگوں کو بلاؤں گا۔ اس نے کہا : کیا میں آپ کو اس سے بہتر نہ بتاؤں ؟ میں نے کہا : کیوں نہیں ! اس نے کہا : تو کہہ : اللَّہُ أَکْبَرُ اللَّہُ أَکْبَرُ اللَّہُ أَکْبَرُ اللَّہُ أَکْبَرُ ، أَشْہَدُ أَنْ لاَ إِلَہَ إِلاَّ اللَّہُ أَشْہَدُ أَنْ لاَ إِلَہَ إِلاَّ اللَّہُ ، أَشْہَدُ أَنَّ مُحَمَّدًا رَسُولُ اللَّہِ أَشْہَدُ أَنَّ مُحَمَّدًا رَسُولُ اللَّہِ ، حَیَّ عَلَی الصَّلاَۃِ حَیَّ عَلَی الصَّلاَۃِ ، حَیَّ عَلَی الْفَلاَحِ حَیَّ عَلَی الْفَلاَحِ ، اللَّہُ أَکْبَرُ اللَّہُ أَکْبَرُ ، لاَ إِلَہَ إِلاَّ اللَّہُ ۔ پھر تھوڑی دیر ٹھہرا رہا پھر اس نے کہا : جب تو اقامت کہے تو کہے : اللَّہُ أَکْبَرُ اللَّہُ أَکْبَرُ ، أَشْہَدُ أَنْ لاَ إِلَہَ اللَّہُ ، أَشْہَدُ أَنَّ مُحَمَّدًا رَسُولُ اللَّہِ ، حَیَّ عَلَی الصَّلاَۃِ حَیَّ عَلَی الْفَلاَحِ ، قَدْ قَامَتِ الصَّلاَۃُ قَدْ قَامَتِ الصَّلاَۃُ ، اللَّہُ أَکْبَرُ اللَّہُ أَکْبَرُ ، لاَ إِلَہَ إِلاَّ اللَّہُ جب میں نے صبح کی تو میں رسول اللہ (صلی اللہ علیہ وآلہ وسلم) کے پاس آیا اور جو میں نے دیکھا تھا اس کی آپ (صلی اللہ علیہ وآلہ وسلم) کو خبر دی۔ رسول اللہ (صلی اللہ علیہ وآلہ وسلم) نے فرمایا : یہ سچا خواب ہے اگر اللہ تعالیٰ نے چاہا، پھر آپ (صلی اللہ علیہ وآلہ وسلم) نے اذان کا حکم دیا، بلال (رض) جو ابوبکر کے غلام تھے، اذان دیا کرتے تھے۔