Sunan Al Bayhaqi: Hadith 19764

(١٩٧٥٨) ابوسلمہ بن عبدالرحمن فرماتے ہیں کہ حضرت عائشہ (رض) نے ان کو خبر دی کہ وہ نبی (صلی اللہ علیہ وآلہ وسلم) کے ساتھ ایک سفر میں تھیں اور چھوٹی عمر تھی۔ آپ (صلی اللہ علیہ وآلہ وسلم) نے اپنے صحابہ سے فرمایا : آگے چلو، آگے چلو۔ پھر فرمایا : آؤدوڑ میں مقابلہ کریں تو میں آپ (صلی اللہ علیہ وآلہ وسلم) سے دوڑ میں سبقت لے گئی ، یعنی جیت گئی۔ اس کے بعد پھر ایک مرتبہ میں آپ (صلی اللہ علیہ وآلہ وسلم) کے ساتھ سفر میں تھی تو آپ (صلی اللہ علیہ وآلہ وسلم) نے اپنے صحابہ سے فرمایا : آگے چلو۔ پھر فرمایا : آؤ میں تیرے ساتھ دوڑ لگانا چاہتا ہوں۔ لیکن میں پہلی والی دوڑ بھول چکی تھی اور میرا جسم بھاری ہوچکا تھا۔ میں نے کہا : اے اللہ کے رسول ! اس حالت میں دوڑ میـں مقابلہ بازی ؟ آپ (صلی اللہ علیہ وآلہ وسلم) نے فرمایا : تم ضرور ایسا کرو گی۔ میں نے آپ (صلی اللہ علیہ وآلہ وسلم) سے دوڑ میں مقابلہ بازی کی اور آپ (صلی اللہ علیہ وآلہ وسلم) جیت گئے۔ آپ (صلی اللہ علیہ وآلہ وسلم) نے فرمایا : یہ اس دوڑ کے مقابلہ میں ہے۔