Sunan Al Bayhaqi: Hadith 20029

(٢٠٠٢٣) ابن بریدہ اپنے والد سے نقل فرماتے ہیں کہ رسول اللہ (صلی اللہ علیہ وآلہ وسلم) نے فرمایا : مسجد سے نکلنے سے پہلے میں تجھے ایسی سورة یا آیت بتاؤں گا جو نبی سلیمان کے بعد میرے علاوہ کسی پر نہیں اتری۔ کہتے ہیں : آپ چلے، میں بھی آپ کے پیچھے تھا۔ آپ مسجد کے دروازے پر پہنچ گئے۔ کہتے ہیں کہ آپ (صلی اللہ علیہ وآلہ وسلم) نے اپنا ایک پاؤں دہلیز سے باہر نکالا اور دوسرا مسجد میں تھا۔ میں نے کہا : آپ (صلی اللہ علیہ وآلہ وسلم) اور میرے درمیان یہ بات ہوتی تھی، آپ بھول گئے۔ آپ میری طرف متوجہ ہوئے اور فرمایا : جب نماز شروع کرتے ہو تو قرآن کے کس حصہ کی تلاوت کرتے ہو ؟ میں نے کہا : { بِسْمِ اللَّہِ الرَّحْمَنِ الرَّحِیمِ } [الفاتحہ ١] سے۔ آپ نے فرمایا : ہاں یہی ہے۔ پھر آپ (صلی اللہ علیہ وآلہ وسلم) نکلے۔