Sunan Al Bayhaqi: Hadith 20490

(٢٠٤٨٤) سیدنا ابوہریرہ (رض) فرماتے ہیں کہ میں نے رسول اللہ (صلی اللہ علیہ وآلہ وسلم) سے سنا، آپ (صلی اللہ علیہ وآلہ وسلم) نے فرمایا : میری امت کے ستر ہزار آدمی جنت میں داخل ہوں گے۔ ان کے چہرے چاند کی طرح چمک رہے ہوں گے۔ عکاشہ بن محصن اسدی اپنی چادر سنبھالتے ہوئے بولے : اے اللہ کے رسول (صلی اللہ علیہ وآلہ وسلم) ! میرے لیے دعا فرمائیں اللہ مجھے ان میں سے کر دے ؟ آپ نے فرمایا : اے اللہ ! تو اس کو ان میں سے کر دے۔ پھر ایک انصاری کھڑا ہوا۔ اس نے بھی کہا : دعا کریں اللہ مجھے بھی ان میں سے کر دے۔ نبی (صلی اللہ علیہ وآلہ وسلم) نے فرمایا : عکاشہ سبقت لے گیا۔