Sunan Al Bayhaqi: Hadith 20599

(٢٠٥٩٣) ابوداؤد فرماتے ہیں : میں نے شعبہ سے ٤٥، ٤٦ سال کی عمر میں سنا کہ ایک آدمی نبی (صلی اللہ علیہ وآلہ وسلم) کے پاس آیا اور کہنے لگا : مجھے ایسا عمل بتایئے جو مجھے جنت میں داخل کر دے۔ فرمایا : عدل کرو اور زائد مال دے دیا کرو۔ اس نے کہا : اگر میں اس کی طاقت نہ رکھوں۔ فرمایا : کھانا کھلایا کر اور سلام کو عام کر۔ اس نے کہا : اگر میں اس کی طاقت یا استطاعت نہ رکھو۔ آپ نے فرمایا : کیا تیرے اونٹ ہیں ؟ اس نے کہا : ہاں۔ آپ نے فرمایا : اپنے اونٹوں کی دیکھ بھال کر اور اس کو پلایا کر۔ اور تیرے گھر والے ایک دن چھوڑ کر پانی پیتے ہیں ان کو پلایا کر۔ اگر تو اپنے اونٹ پر خرچ کرتا رہا پیاسا نہ چھوڑا تو جنت تیرے لیے واجب ہوجائے گی۔