Sunan Al Bayhaqi: Hadith 20981

(٢٠٩٧٥) ابو سلام کہتے ہیں کہ خالد بن زید نے مجھے بیان کیا کہ میں تیر انداز تھا تو عقبہ بن عامر مجھے بلایا کرتے تھے کہ خالد آؤ ہم تیر اندازی کریں، ایک دن میں لیٹ ہوگیا تو کہنے لگے : آؤ میں تمہیں بیان کروں جو رسول اللہ (صلی اللہ علیہ وآلہ وسلم) نے مجھے بیان کیا تھا یا میں وہ بات کہوں جو رسول اللہ (صلی اللہ علیہ وآلہ وسلم) نے کہی تھی۔ کہتے ہیں : میں نے رسول اللہ (صلی اللہ علیہ وآلہ وسلم) سے سنا، آپ (صلی اللہ علیہ وآلہ وسلم) نے فرمایا : اللہ ایک تیر کی وجہ سے تین بندوں کو جنت میں داخل فرمائیں گے : 1 تیر بنانے والا جس کا بھلائی کا ارادہ ہو۔ 2 تیر اندازی کرنے والا 3 تیر پکڑانے والا۔ تیر اندازی کرو، سواری کرو، تیر اندازی کرو، یہ مجھے گھوڑ سواری سے زیادہ محبوب ہے۔ کھیل صرف تین طرح کے ہیں : 1 گھوڑے کو سدھانا 2 اپنی بیوی سے کھیلنا 3 تیر اندازی کرنا۔ جس نے تیر اندازی سیکھ کر چھوڑ دی، اس سے بےرغبتی کرتے ہوئے اس نے ایک نعمت کی ناشکری۔