Sunan Al Bayhaqi: Hadith 2158

(٢١٥٨) (ا) حضرت براء بن عازب (رض) سے روایت ہے کہ یہ آیت نازل ہوئی : { حٰفِظُوْا عَلَی الصَّلَوٰتِ وَ الصَّلٰوۃِ العصر } ” نمازوں پر محافظت کرو خصوصاً عصر کی نماز پر۔ “ جتنا عرصہ اللہ نے چاہا ہم نے رسول اللہ (صلی اللہ علیہ وآلہ وسلم) کے دور میں اس کی تلاوت کی پھر اللہ نے یہ منسوخ کردی اور یہ نازل کی : { حٰفِظُوْا عَلَی الصَّلَوٰتِ وَ الصَّلٰوۃِ الْوُسْطٰی } (البقرۃ : ١٣٨) نمازوں پر محافظت کرو خصوصاً درمیانی نماز پر براء بن عازب (رض) سے ایک آدمی نے پوچھا : کیا یہ عصر کی نماز ہے ؟ انھوں نے کہا : میں نے تمہیں بتادیا ہے کہ یہ کیسے نازل ہوئی اور کیسے اللہ نے اس کو منسوخ کیا۔ واللہ اعلم
(ب) صحیح مسلم میں فضیل سے یہی روایت منقول ہے مگر اس میں یہ ہے کہ پھر اس آدمی نے کہا : تب یہ عصر کی نماز ہوگی۔ براء بن عازب (رض) نے کہا : میں نے تمہیں بتایا نہیں کہ یہ کیسے نازل ہوئی اور کیسے اس کو اللہ نے منسوخ کیا ہے۔