Sunan Al Bayhaqi: Hadith 21793

(٢١٧٨٧) حکم بن ابان فرماتے ہیں کہ حضرت عکرمہ سے امہات الاولاد کے بارے میں پوچھا گیا تو فرمایا : وہ آزاد ہیں، انھوں نے کہا : آپ کیوں یہ بات کہتے ہیں ؟ فرمایا : قرآن کی وجہ سے۔ انھوں نے کہا : قرآن میں کیا ہے ؟ انھوں نے کہا : { یٰٓأَیُّھَا الَّذِیْنَ اٰمَنُوْٓا اَطِیْعُوا اللّٰہَ وَ اَطِیْعُوا الرَّسُوْلَ وَ اُولِی الْاَمْرِ مِنْکُمْ } [النساء ٥٩] اللہ اور رسول کی اطاعت کرو اور حکمرانوں کی۔ حضرت عمر بھی اولوالامر میں سے تھے۔ فرماتے ہیں : وہ آزاد ہوگی اگرچہ بچہ مردہ بھی ہو۔
(ب) ابن عباس (رض) نبی (صلی اللہ علیہ وآلہ وسلم) سے نقل فرماتے ہیں کہ ام الولد آزاد ہے اگرچہ بچہ مردہ ہی کیوں نہ ہو۔