Sunan Al Bayhaqi: Hadith 2429

(٢٤٢٩) (ا) عبیداللہ بن ابی یزید کہتے ہیں کہ ابو لبابہ (رض) ہمارے پاس سے گزرے تو ہم بھی ان کے پیچھے ہو لیے۔ وہ اپنے گھر میں داخل ہوگئے۔ ہم بھی ان کے پاس چلے گئے۔ وہاں ایک آدمی قرآن مجید ہکلا کر پڑھ رہا تھا ۔ آپ (رض) نے یہ دیکھا تو فرمایا : میں نے رسول اللہ (صلی اللہ علیہ وآلہ وسلم) کو فرماتے ہوئے سنا : جو شخص قرآن کو خوش الحانی سے نہیں پڑھتا وہ ہم میں سے نہیں۔ میں نے ابن ابی ملیکۃ سے کہا : اے ابو محمد ! جب آدمی کی آواز ہی خوبصورت نہ ہو تو وہ کیا کرے ؟ انھوں نے فرمایا : اس کو خوبصورت بنانے کی کوشش کرے۔