Sunan Al Bayhaqi: Hadith 2789

(٢٧٨٩) سیدنا ابن عمر (رض) سے روایت ہے کہ انھوں نے ایک آدمی کو دیکھا جو اپنے ہاتھوں کے ساتھ کنکریوں کو ہلا رہا تھا، حالانکہ وہ نماز پڑھ رہا تھا۔ جب اس نے نماز سے سلام پھیرا تو آپ (رض) نے اسے کہا : نماز میں کنکریوں کے ساتھ مت کھیل کیونکہ یہ شیطان کی طرف سے ہے، اس طرح کر جیسے رسول اللہ (صلی اللہ علیہ وآلہ وسلم) کیا کرتے تھے ؟ اس نے کہا : وہ کیسے کرتے تھے ؟ عبداللہ بن عمر (رض) نے فرمایا : آپ (صلی اللہ علیہ وآلہ وسلم) اپنے داہنے ہاتھ کو اپنی (دا ہنی) ران پر رکھتے تھے اور انگوٹھے کے ساتھ والی انگلی کے ساتھ قبلہ کی طرف اشارہ کرتے، اس کی طرف دیکھتے رہتے ۔ پھر انھوں نے فرمایا : میں نے رسول اللہ (صلی اللہ علیہ وآلہ وسلم) کو اس طرح کرتے دیکھا ہے۔