Sunan Al Bayhaqi: Hadith 2959

(٢٩٥٩) (ا) ابو جوزاء سے روایت ہے کہ سیدہ عائشہ (رض) بیان کرتی ہیں کہ رسول اللہ (صلی اللہ علیہ وآلہ وسلم) نماز کو تکبیر کے ساتھ اور قراءت کو سورة فاتحہ { الْحَمْدُ لِلَّہِ رَبِّ الْعَالَمِینَ } [الفاتحہ : ١] ” تمام تعریفیں اللہ کے لیے ہیں جو سب جہانوں کا رب ہے۔ “ سے شروع کرتے تھے اور آپ (صلی اللہ علیہ وآلہ وسلم) جب رکوع کرتے تو سر کو زیادہ اونچا کرتے نہ زیادہ نیچے ، بلکہ برابر رکھتے اور جب رکوع سے سر اٹھاتے تو سجدہ نہ کرتے، جب تک اطمینان سے کھڑے نہ ہوجاتے، پھر جب سجدے سے سر اٹھاتے تو (دوسرا) سجدہ نہ کرتے حتیٰ کہ اطمینان سے بیٹھ جاتے اور بیٹھتے وقت بائیں پاؤں کو بچھاتے اور داہنے پاؤں کو کھڑا رکھتے اور دو رکعتوں کے بعد ” التحیات “ پڑھتے تھے۔ آپ (صلی اللہ علیہ وآلہ وسلم) شیطان کی طرح بیٹھنے سے منع فرماتے تھے اور اس سے بھی منع فرماتے کہ کوئی درندے کی طرح اپنے بازو بچھائے اور نماز کو سلام سے ختم فرماتے تھے۔
(ب) یزید کی روایت کے الفاظ ہیں کہ وَکَانَ یَنْہَی عَنْ عَقِبِ الشَّیْطَانِ ’ ’ شیطان کی چوکڑی سے منع فرماتے تھے۔
(ج) عبدالاعلیٰ کہتے ہیں : عقب الشیطان کا مطلب ہے کہ اپنے دونوں پاؤں کے تلوؤں پر بیٹھے۔