Sunan Al Bayhaqi: Hadith 300

(٣٠١) عثمان بن عبد الرحمن تیمی کہتے ہیں کہ ابن ابی ملیکہ سے وضو کے بارے میں پوچھا گیا تو انھوں نے فرمایا : میں نے سیدنا عثمان بن عفان (رض) کو دیکھا، ان سے بھی وضو کے بارے میں سوال کیا گیا، انھوں نے پانی منگوایا۔۔۔ پھر لمبی حدیث بیان کی، فرمایا : انھوں نے پانی لیا اور اپنے سر اور کانوں کا مسح کیا، ایک ہی مرتبہ کانوں کے ظاہری اور اندرونی حصے کو دھویا، پھر اپنے پاؤں کو دھویا پھر پوچھا : وضو کے بارے میں سوال کرنے والے کہاں ہیں ؟ رسول اللہ (صلی اللہ علیہ وآلہ وسلم) اسی طرح وضو کیا کرتے تھے (جس طرح میں نے کیا ہے) ۔