Sunan Al Bayhaqi: Hadith 3463

(٣٤٦٣) حضرت ابوجحیفہ (رض) اپنے والد سے روایت کرتے ہیں کہ رسول اللہ (صلی اللہ علیہ وآلہ وسلم) نے بطحاء میں تھے کہ حضرت بلال (رض) آئے، انھوں نے اذان کہی، پھر آپ نے وضو کے لیے پانی منگوایا اور وضو کیا۔ لوگ رسول اللہ (صلی اللہ علیہ وآلہ وسلم) کے وضو کے پانی کو لے کر اپنے اوپر مل لیتے، پھر حضرت بلال (رض) نے برچھی پکڑی اور رسول اللہ (صلی اللہ علیہ وآلہ وسلم) کے ساتھ ساتھ چلے اور اس کو اپنے سامنے گاڑ لیا اور دو رکعتیں پڑھیں۔ آپ کے سامنے کانسی دار لکڑی تھی اور اس کی دوسری طرف سے عورت، گدھے اور اونٹ گزرتے رہے۔
(ب) شعبہ نے یہ روایت عون سے اس کے باپ کے واسطہ سے نقل ہے کہ برچھی کے پیچھے سے عورت اور گدھا (وغیرہ) گزرتے رہے۔