Sunan Al Bayhaqi: Hadith 3758

(٣٧٥٨) (ا) حضرت ابورافع (رح) بیان کرتے ہیں کہ میں نے حضرت ابوہریرہ (رض) کے ساتھ نماز عشا پڑھی۔ آپ نے سورة انشقاق کی تلاوت کی اور سجدہ کیا۔ میں نے کہا : یہ کون سا سجدہ ہے ؟ انھوں نے فرمایا : میں نے یہ سجدہ ابوالقاسم (صلی اللہ علیہ وآلہ وسلم) کے ساتھ کیا ہے اور میں ہمیشہ کرتا رہوں گا حتیٰ کہ آپ (صلی اللہ علیہ وآلہ وسلم) سے جا ملوں۔
(ب) حضرت عیسیٰ بن یونس (رح) کی روایت میں ” العتمۃ “ کی جگہ ” العشاء “ کا لفظ ہے اور فرمایا : جب نماز سے سلام پھیرا تو کہا : اے ابوہریرہ ! یہ کیا ہے ؟ تو انھوں نے فرمایا : یہ سجدہ رسول اللہ (صلی اللہ علیہ وآلہ وسلم) نے بھی کیا ہے۔