Sunan Al Bayhaqi: Hadith 3767

(٣٧٦٧) (ا) حضرت نافع (رض) ، سیدنا ابن عمر (رض) سے روایت کرتے ہیں کہ رسول اللہ (صلی اللہ علیہ وآلہ وسلم) کبھی کبھار دورانِ تلاوت آیت سجدہ سے گزرتے تو ہمارے ساتھ سجدہ کرتے حتیٰ کہ ہم آپ کے پاس ہجوم کرلیتے۔ یہاں تک کہ ہم میں سے کسی کو سجدہ کے لیے جگہ بھی نہ مل پاتی اور ایسا ہر نماز میں نہیں ہوتا تھا۔
(ب) یہ حضرت محمد بن بشر (رح) کی حدیث کے الفاظ ہیں اور حضرت ابن مسہر (رح) کی حدیث کے الفاظ یہ ہیں کہ رسول اللہ (صلی اللہ علیہ وآلہ وسلم) آیت سجدہ پڑھتے، اگر ہم آپ (صلی اللہ علیہ وآلہ وسلم) کے پاس ہوتے تو آپ (صلی اللہ علیہ وآلہ وسلم) بھی سجدہ کرتے اور ہم بھی سجدہ کرتے حتیٰ کہ نماز کے علاوہ ہم میں سے بعض لوگوں کو اپنی پیشانی زمین پر رکھنے کی جگہ بھی نہ ملتی۔