Sunan Al Bayhaqi: Hadith 3824

(٣٨٢٤) (ا) حضرت زیاد بن علاقہ (رح) بیان کرتے ہیں کہ حضرت مغیرہ (رض) نے ہمیں نماز پڑھائی تو دو رکعتوں کے بعد سیدھے کھڑے ہوگئے ۔ ہم نے سبحان اللہ کہا تو انھوں نے بھی سبحان اللہ کہا اور ایسے ہی نماز پڑھتے رہے جب انھوں نے اپنی نماز مکمل کی تو سلام پھیرنے سے پہلے سہو کے دو سجدے کیے۔ پھر ہماری طرف مڑے اور فرمایا : اس طرح میں نے رسول اللہ (صلی اللہ علیہ وآلہ وسلم) کو کرتے دیکھا ہے۔
(ب) امام بیہقی (رح) فرماتے ہیں : سیدنا ابن بحینہ (رض) کی حدیث اس سے زیادہ صحیح ہے اور اس کے ساتھ حضرت معاویہ (رض) کی روایت بھی۔ ان کی حدیث میں ہے کہ نبی (صلی اللہ علیہ وآلہ وسلم) نے سلام سے پہلے دو سجدے کیے تھے۔ واللہ اعلم