Sunan Al Bayhaqi: Hadith 3906

(٣٩٠٦) ابوہریرہ (رض) بیان کرتے ہیں کہ رسول اللہ (صلی اللہ علیہ وآلہ وسلم) نے ہمیں ظہر یا عصر کی نماز دو رکعتیں پڑھا کر سلام پھیر دیا تو ذوالیدین (رض) نے کہا : اے اللہ کے رسول ! کیا نماز کم ہوگئی ہے یا آپ بھول گئے ہیں ؟ رسول اللہ (صلی اللہ علیہ وآلہ وسلم) نے اپنے صحابہ سے پوچھا : کیا ذوالیدین (رض) سچ کہہ رہا ہے ؟ انھوں نے کہا : جی ہاں تو آپ (صلی اللہ علیہ وآلہ وسلم) نے دوسری دو رکعتیں پڑھائیں پھر سہو کے دو سجدے کیے۔
شعبہ (رض) بیان کرتے ہیں کہ سعد (رض) نے فرمایا : میں نے عروہ بن زبیر (رض) کو دیکھا کہ انھوں نے مغرب کی نماز دو رکعتیں پڑھا کر سلام پھیر دیا اور باتیں کی۔ اس کے بعد باقی نماز پڑھی اور فرمایا : اس طرح رسول اللہ (صلی اللہ علیہ وآلہ وسلم) نے بھی کیا تھا۔