Sunan Al Bayhaqi: Hadith 3942

(٣٩٤٢) ابو ہریرہ (رض) سے روایت ہے کہ رسول اللہ (صلی اللہ علیہ وآلہ وسلم) مسجد میں داخل ہوئے تو ایک اور شخص بھی مسجد میں داخل ہوا۔ اس نے نماز پڑھی ، پھر آ کر نبی (صلی اللہ علیہ وآلہ وسلم) کو سلام کہا : آپ نے سلام کا جواب دیا اور فرمایا : جاؤ نماز پڑھوتم نے نماز نہیں پڑھی حتیٰ کہ آپ (صلی اللہ علیہ وآلہ وسلم) نے اس طرح تین بار کہا۔ اس شخص نے کہا : اس اللہ کی قسم ! جس نے آپ کو حق کے ساتھ مبعوث کیا ہے میں اس سے اچھی نماز نہیں پڑھ سکتا۔ آپ مجھے بتلا دیں اور سکھا دیں۔ آپ (صلی اللہ علیہ وآلہ وسلم) نے فرمایا : جب تو نماز کے لیے کھڑا ہو تو تکبیر کہہ، پھر قرآن سے جو تجھے صحیح یاد ہو پڑھ، پھر اطمینان کے ساتھ رکوع کر اس کے بعد سر اٹھا حتیٰ کہ تو سیدھا کھڑ ہوجائے ۔ پھر انتہائی اطمینان سے سجدہ کر، پھر سجدے سے سر اٹھا کر اطمینان سے بیٹھ جا۔ اسی طرح اپنی پوری نماز میں کر۔