Sunan Al Bayhaqi: Hadith 4031

(٤٠٣١) قیس بن حارث بیان کرتے ہیں : مجھے ابو عبداللہ صنابحی نے خبر دی کہ وہ ابوبکر صدیق (رض) کے دور خلافت میں مدینہ آئے تو انھوں نے سیدنا ابوبکر (رض) کے پیچھے مغرب کی نماز پڑھی۔ ابوبکر صدیق (رض) نے مغرب کی پہلی دو رکعتوں میں سورة فاتحہ اور قصار مفصل میں سے ایک سورت پڑھی۔ پھر تیسری رکعت میں کھڑے ہوئے۔ ابو عبداللہ بیان کرتے ہیں : میں ان کے اتنا قریب ہوگیا کہ میرے کپڑے ان کے کپڑوں کو چھونے کے قریب تھے تو میں نے انھیں سو رہ فاتحہ اور یہ آیت مبارکہ پڑھتے سنا : { رَبَّنَا لاَ تُزِغْ قُلُوبَنَا بَعْدَ إِذْ ہَدَیْتَنَا وَہَبْ لَنَا مِنْ لَدُنْکَ رَحْمَۃً إِنَّکَ أَنْتَ الْوَہَّابُ } [آل عمران : ٨] اے ہمارے رب ! ہمیں ہدایت دینے کے بعد ہمارے دلوں کو ٹیڑھا نہ کرنا اور ہمیں اپنی خصوصی رحمت عطا کر ۔ یقیناً تو بہت زیادہ عطا کرنے والا ہے۔