Sunan Al Bayhaqi: Hadith 4111

(٤١١١) بنی غفار کی ایک عورت فرماتی ہیں کہ میں اپنے قبیلے کی عورتوں کے ساتھ مل کر نبی (صلی اللہ علیہ وآلہ وسلم) کے پاس آئی، ہم نے کہا : اے اللہ کے رسول ! ہم بھی آپ کے ساتھ خیبر جانا چاہتی ہیں تاکہ زخمیوں کو دوا دیں اور اپنی طاقت کے مطابق مسلمانوں کی مدد کریں۔ ہم آپ (صلی اللہ علیہ وآلہ وسلم) کے ساتھ چلیں اور میں جوان تھی، نبی (صلی اللہ علیہ وآلہ وسلم) نے مجھے اپنی سواری کے پیچھے تھیلے یا سامان پر سوار کرلیا۔ صبح کے وقت آپ (صلی اللہ علیہ وآلہ وسلم) نے پڑاؤ کیا، سواری سے اترے، میں بھی سواری سے اترنے لگی تو میں نے سامان پر خون محسوس کیا، یہ میرا پہلا حیض تھا ۔ میں سواری پر بیٹھی رہی اور شرم محسوس کر رہی تھی۔ جب نبی (صلی اللہ علیہ وآلہ وسلم) نے خون کو دیکھا تو فرمانے لگے : شاید تو حائضہ ہوگئی ہے۔ میں نے کہا : جی ہاں۔ آپ (صلی اللہ علیہ وآلہ وسلم) نے فرمایا : اپنی درستگی کرو اور پانی کا ایک برتن لے کر اس میں نمک ملا لو۔ اس کے ذریعے سامان والا تھیلہ دھو ڈال اور خود بھی غسل کرلے۔ پھر اپنی سواری پر لوٹ جا۔ چنانچہ جب بھی ان کو حیض آتا تو وہ پانی اور نمک کے ساتھ طہارت حاصل کرتیں، انھوں نے وصیت کی کہ مرنے کے بعد غسل بھی نمک اور پانی کو ملا کردیا جائے۔