Sunan Al Bayhaqi: Hadith 4446

(٤٤٤٦) طلحہ بن عبیداللہ (رض) فرماتے ہیں کہ بکھرے ہوئے بالوں والا ایک دیہاتی آپ (صلی اللہ علیہ وآلہ وسلم) کے پاس آیا اور کہنے لگا : اے اللہ کے رسول ! مجھے بتائیے اللہ نے مجھ پر کتنی نمازیں فرض کیں ہیں ؟ آپ (صلی اللہ علیہ وآلہ وسلم) نے فرمایا : پانچ نمازیں مگر یہ کہ تو کچھ نفل پڑھے۔ پھر کہنے لگا : اللہ نے میرے اوپر کتنے روزے فرض کیے ہیں ؟ آپ (صلی اللہ علیہ وآلہ وسلم) نے فرمایا : رمضان کے روزے مگر یہ کہ آپ کچھ نفلی روزے رکھیں۔ پھر وہ کہنے لگا : مجھے بتائیے کہ اللہ نے مجھ پر کتنی زکوۃ فرض کی ہے۔ آپ (صلی اللہ علیہ وآلہ وسلم) نے اسے اسلام کے طریقوں کی خبر دی۔ اس نے کہا : اس ذات کی قسم جس نے آپ کو عزت دی ہے۔ نہ تو میں اس سے زیادہ کروں گا اور نہ کمی کروں گا جو اللہ نے مجھ پر فرض کیا ہے۔ نبی (صلی اللہ علیہ وآلہ وسلم) نے فرمایا : یہ شخص کامیاب ہوگیا اگر اس نے سچ کہا۔ اللہ کی قسم ! وہ جنت میں داخل ہوگا اگر اس نے سچ کہا۔
(ب) اسماعیل بن جعفر (رض) نے یہ لفظ ذکر کیے ہیں کہ وہ شخص جنت میں داخل ہوگا اگر اس نے سچ کہا۔