Sunan Al Bayhaqi: Hadith 4476

(٤٤٧٦) عبداللہ بن شقیق فرماتے ہیں کہ میں نے حضرت عائشہ (رض) سے نبی (صلی اللہ علیہ وآلہ وسلم) کی نفل نماز کے بارے میں سوال کیا تو انھوں نے فرمایا : آپ (صلی اللہ علیہ وآلہ وسلم) چار رکعت ظہر سے پہلے میرے گھر میں پڑھا کرتے تھے، پھر آپ (صلی اللہ علیہ وآلہ وسلم) نکلتے اور لوگوں کو نماز پڑھاتے، پھر نماز سے فارغ ہو کر میرے گھر لوٹتے اور دو رکعت نماز پڑھتے اور آپ (صلی اللہ علیہ وآلہ وسلم) لوگوں کو مغرب کی نماز پڑھا کر میرے گھر واپس آتے تو دو رکعت نماز ادا کرتے۔ پھر ان کو عشا کی نماز پڑھا کر میرے گھر آتے تو پھر دو رکعت ادا کرتے اور آپ (صلی اللہ علیہ وآلہ وسلم) کی رات کی نماز کی تعداد نو رکعات ہوتی۔ جن میں وتر بھی شامل ہوتا۔ آپ (صلی اللہ علیہ وآلہ وسلم) رات کا باقی حصہ کھڑے ہو کر اور کبھی بیٹھ کر نماز ادا کر کے گزارتے۔ جب آپ (صلی اللہ علیہ وآلہ وسلم) کھڑے ہو کر نماز پڑھتے تو رکوع و سجود کھڑے ہو کر ہی کرتے۔ جب بیٹھ کر قرأت کرتے تو رکوع و سجود بھی بیٹھ کر کرتے اور جب فجر طلوع ہوجاتی تو آپ (صلی اللہ علیہ وآلہ وسلم) دو رکعت نماز ادا کرنے کے بعد لوگوں کو جا کر نماز پڑھاتے۔