Sunan Al Bayhaqi: Hadith 4647

(٤٦٤٧) عبداللہ بن سلام فرماتے ہیں کہ جب نبی (صلی اللہ علیہ وآلہ وسلم) مدینہ آئے اور کہا : رسول اللہ (صلی اللہ علیہ وآلہ وسلم) تشریف لائے تو میں بھی لوگوں کے ساتھ مل کر آیا، تاکہ آپ (صلی اللہ علیہ وآلہ وسلم) کی زیارت کروں۔ جب میں نے آپ (صلی اللہ علیہ وآلہ وسلم) کا چہرہ دیکھا تو میں نے پہچان لیا کہ یہ کسی جھوٹے کا چہرہ نہیں ہوسکتا، سب سے پہلی جو بات میں نے نبی (صلی اللہ علیہ وآلہ وسلم) سے سنی یہ ہے کہ اے لوگو ! کھانا کھلاؤ، سلام کرو، صلہ رحمی کرو اور رات کو نماز پڑھو، جب لوگ سوئے ہوئے ہوں تو تم سلامتی کے ساتھ جنت میں داخل ہو جاؤ گے۔