Sunan Al Bayhaqi: Hadith 4821

(٤٨٢١) علقمہ بن وقاص عائشہ (رض) سے نقل فرماتے ہیں کہ رسول اللہ (صلی اللہ علیہ وآلہ وسلم) نو رکعات وتر پڑھتے، پھر آپ (صلی اللہ علیہ وآلہ وسلم) سات رکعات وتر پڑھتے اور دو رکعات بیٹھ کر وتر کے بعد پڑھتے اور ان میں قرأت کرتے۔ جب آپ (صلی اللہ علیہ وآلہ وسلم) رکوع کا ارادہ کرتے تو کھڑے ہوجاتے اور رکوع و سجود کرتے۔
(ب) محمد بن عمرو کی روایت میں ہے کہ علقمہ بن وقاص نے فرمایا : اے ماں ! نبی (صلی اللہ علیہ وآلہ وسلم) دو رکعات کیسے پڑھتے تھے۔
(ج) حضرت حسن سعد بن ہشام سے نقل فرماتے ہیں کہ آپ (صلی اللہ علیہ وآلہ وسلم) ان میں { قُلْ یَا أَیُّہَا الْکَافِرُونَ } وَ {إِذَا زُلْزِلَتِ } پڑھا کرتے تھے۔