Sunan Al Bayhaqi: Hadith 4984

(٤٩٨٤) محارب بن دثار ابن عمر (رض) سے نقل فرماتے ہیں کہ ایک شخص نبی (صلی اللہ علیہ وآلہ وسلم) کے پاس آیا اور عرض کیا : اے اللہ کے رسول ! کونسی جگہ بہتر ہے ؟ آپ (صلی اللہ علیہ وآلہ وسلم) نے فرمایا : میں نہیں جانتا۔ اس نے کہا : کون سی جگہ بری ہے ؟ آپ (صلی اللہ علیہ وآلہ وسلم) نے فرمایا : میں نہیں جانتا، اتنے میں جبرائیل آئے تو نبی (صلی اللہ علیہ وآلہ وسلم) نے جبرائیل سے پوچھا : اے جبرائیل ! کون سی جگہ بہتر ہے ؟ اس نے کہا : میں نہیں جانتا، آپ (صلی اللہ علیہ وآلہ وسلم) نے فرمایا : کون سی جگہ بری ہے ؟ اس نے کہا : میں نہیں جانتا۔ آپ (صلی اللہ علیہ وآلہ وسلم) نے فرمایا : رب تعالیٰ سے سوال کرو، جبرائیل نے نبی (صلی اللہ علیہ وآلہ وسلم) کو دبایا، قریب تھا کہ آپ (صلی اللہ علیہ وآلہ وسلم) بیہوش ہوجاتے اور کہا : میں کسی چیز کے بارے میں سوال نہ کروں گا۔ اللہ تعالیٰ نے جبرائیل سے کہا : تجھ سے محمد (صلی اللہ علیہ وآلہ وسلم) نے سوال کیا : کون سی جگہ بہتر ہے ؟ آپ نے کہہ دیا : مجھے نہیں معلوم اور انھوں نے تجھ سے سوال کیا کہ کونسی جگہ بری ہے تو آپ نے کہہ دیا : مجھے معلوم نہیں، آپ ان کو خبر دے دیں کہ بہترین جگہیں مساجد ہیں اور بدترین جگہیں بازار ہیں۔