Sunan Al Bayhaqi: Hadith 5227

(٥٢٢٧) عون بن ابی جحیفہ اپنے والد سے نقل فرماتے ہیں کہ میں نبی (صلی اللہ علیہ وآلہ وسلم) کی طرف ابطح نامی جگہ پر گیا تو آپ (صلی اللہ علیہ وآلہ وسلم) ایک خیمہ میں تھے۔ بلال (رض) نکلے اور اذان دی۔ پھر داخل ہوئے اور نکلے تو ان کے پاس پانی کا لوٹایا چھوٹا مشکیزہ تھا۔ جب لوگوں نے نبی (صلی اللہ علیہ وآلہ وسلم) کا وضو دیکھا تو انھوں نے بھی وضو میں جلدی کی، پھر وہ داخل ہوئے اور نکلے تو ان کے پاس ایک نیزہ تھا، انھوں نے اقامت کہی اور نبی (صلی اللہ علیہ وآلہ وسلم) نے ظہر اور عصر کی دو دو رکعتیں اس نیزہ کی طرف منہ کر کے پڑھائیں اور اس کے آگے سے عورت اور گدھے گزر رہے تھے۔