Sunan Al Bayhaqi: Hadith 5457

(٥٤٥٧) یحییٰ بن ابی اسحاق حضرت انس (رض) سے فرماتے ہیں ہم نے نبی (صلی اللہ علیہ وآلہ وسلم) کے ساتھ حج کیا تو واپسی تک آپ (صلی اللہ علیہ وآلہ وسلم) دو دو رکعات پڑھتے رہے واپسی تک راوی کہتے ہیں میں نے کہا : تم مکہ میں کتنے ٹھہرے ؟ فرمایا : دس دن۔
نوٹ : دس دن ٹھہرنے سے انس بن مالک کی مراد مکہ، منیٰ ، اور عرفات میں ٹھہرنا ہے، اس لیے کہ احادیث اس بات پر دلیل کرتی ہیں کہ نبی (صلی اللہ علیہ وآلہ وسلم) مکہ آئے جب ذی الحجہ کے چار دن گزر چکے تھے، پھر آپ (صلی اللہ علیہ وآلہ وسلم) نے تین دن قیام کیا اور قصر فرماتے رہے۔ لیکن مکہ میں آنے کے دن کو شمار نہیں کیا؛اس لیے کہ آپ اس دن سفر میں رہے اور نہ ہی یہ اٹھ ذی الحجہ کو شمار کیا ہے۔ کیونکہ اس دن آپ (صلی اللہ علیہ وآلہ وسلم) منیٰ چلے گئے جہاں ظہر ‘ عصر ‘ مغرب ‘ عشا اور صبح ‘ کی نماز ادا کی۔ پھر طلوع شمس کے بعد عرفات آگئے۔ پھر غروبِ شمس کے بعد مزدلفہ آگئے، وہاں دو راتیں صبح تک گزاریں ۔ پھر منیٰ آئے اور مناسک ادا کیے۔ پھر مکہ آ کر طواف کیا۔ پھر منیٰ آ کر تین دن قیام کیا، اس میں قصر کرتے رہے۔ پھر وادی محصب میں قیام کیا اور اپنے صحابہ میں کوچ کا اعلان کروایا۔ پھر نمازِ فجر سے پہلے بیت اللہ کا طواف کیا۔ پھر مدینہ کو چل دیے۔ آپ (صلی اللہ علیہ وآلہ وسلم) نے چار دن کسی ایک جگہ قیام نہیں کیا اور آپ (صلی اللہ علیہ وآلہ وسلم) قصر کرتے رہے۔