Sunan Al Bayhaqi: Hadith 5631

(٥٦٣١) عطاء جابر بن عبداللہ (رض) سے نقل فرماتے ہیں کہ ہم نے نبی (صلی اللہ علیہ وآلہ وسلم) کے ساتھ نماز خوف ادا کی اور دشمن ہمارے اور قبلہ کے درمیان تھا۔ آپ (صلی اللہ علیہ وآلہ وسلم) نے تکبیر کہی تو ہم نے بھی تکبیر کہی۔ ہم نے آپ (صلی اللہ علیہ وآلہ وسلم) کے ساتھ رکوع کیا۔ پھر رکوع سے سر اٹھانے کے بعد آپ (صلی اللہ علیہ وآلہ وسلم) نے سجدہ کیا اور پہلی صف نے بھی آپ (صلی اللہ علیہ وآلہ وسلم) کے ساتھ سجدہ کیا۔ دوسری صف دشمن کے سامنے کھڑی رہی۔ جب آپ (صلی اللہ علیہ وآلہ وسلم) اور پہلی صف کھڑی ہوئی تو پھر دوسری صف نے سجدہ کیا۔ پھر پہلی صف پیچھے آگئی اور دوسری صف پہلی صف کی جگہ چلی گئی۔ آپ (صلی اللہ علیہ وآلہ وسلم) کے ساتھ مل کر ہم سب نے رکوع کیا۔ پھر آپ (صلی اللہ علیہ وآلہ وسلم) نے سجدہ کیا۔ پھر جب اٹھے اور سجدہ کیا تو آپ (صلی اللہ علیہ وآلہ وسلم) کے ساتھ پہلی صف نے سجدہ کیا اور بیٹھ گئے تو دوسری صف سجدہ میں چلی گئی۔ پھر آپ (صلی اللہ علیہ وآلہ وسلم) نے سلام پھیرا تو ہم نے بھی سلام پھیرا۔ جابر فرماتے ہیں : یہ ایسے ہے جیسے کہ شاہی محافظ اپنے امرأ کے ساتھ کرتے ہیں۔