Sunan Al Bayhaqi: Hadith 5798

(٥٧٩٨) جابر بن عبداللہ (رض) نے سنا : آپ (صلی اللہ علیہ وآلہ وسلم) فرما رہے تھے کہ جمعہ کے دن آپ (صلی اللہ علیہ وآلہ وسلم) نے اللہ کی حمد وثنا بیان کی، پھر اس کے بعد بلند آواز سے خطبہ ارشاد فرما رہے تھے ، آپ (صلی اللہ علیہ وآلہ وسلم) کا غصہ سخت اور رخسار سرخ ہوچکے تھے، گویا آپ (صلی اللہ علیہ وآلہ وسلم) کسی لشکر سے ڈرا رہے ہیں، جو صبح یا شام تم پر حملہ کرنے والا ہے۔ پھر فرماتے : میں اور قیامت اس طرح بھیجے گئے ہیں اور آپ (صلی اللہ علیہ وآلہ وسلم) نے اپنی درمیانی انگلی اور اس انگلی سے اشارہ کیا جو انگوٹھے کے ساتھ ملنے والی ہے، پھر آپ (صلی اللہ علیہ وآلہ وسلم) نے فرمایا : افضل بات اللہ کی کتاب ہے اور بہترین سیرت محمد (صلی اللہ علیہ وآلہ وسلم) کی سیرت ہے اور بد ترین کام نئے ہیں اور ہر بدعت گمراہی ہے۔ جس نے مال چھوڑاوہ اس کے گھر والوں کے لیے ہے اور جس نے قرض یا نقصان چھوڑا وہ میرے ذمہ ہے۔