Sunan Al Bayhaqi: Hadith 5811

(٥٨١١) عبداللہ بن یسار قتیلہ بنت صیفی جہنی سے نقل فرماتے ہیں کہ یہودکا ایک عالم نبی (صلی اللہ علیہ وآلہ وسلم) کے پاس آیا اور کہنے لگا : اے محمد (صلی اللہ علیہ وآلہ وسلم) ! تم بہترین لوگ ہو اگر تم شرک نہ کرو۔ آپ (صلی اللہ علیہ وآلہ وسلم) نے فرمایا : سبحان اللہ وہ کیسے ؟ اس نے کہا : جب تم قسم اٹھاتے ہو تو کہتے ہو : کعبہ کی قسم ۔ نبی (صلی اللہ علیہ وآلہ وسلم) ٹھہرگئے۔ پھر فرمایا : جو قسم اٹھائے وہ کعبہ کے رب کی قسم اٹھائے، پھر اس نے کہا : تم بہترین لوگ ہو کاش کہ تم کہو جو اللہ چاہے اور فلاں چاہے۔ نبی (صلی اللہ علیہ وآلہ وسلم) تھوڑی دیر رک گئے ، پھر فرمایا : جو کہے جو اللہ چاہے پھر کچھ دیر بعد کہے : پھر جو تو چاہے۔