Sunan Al Bayhaqi: Hadith 5874

(٥٨٧٤) حمید حضرت انس (رض) سے نقل فرماتے ہیں کہ ایک شخص تیز چل رہا تھا ، جب وہ لوگوں کے پاس آیا تو اس کا سانس پھولا ہوا تھا۔ جس وقت وہ نماز میں کھڑا ہوا تو اس نے کہا : ” الْحَمْدُ لِلَّہِ حَمْدًا کَثِیرًا طَیِّبًا مُبَارَکًا فِیہِ ۔ جب نبی نے نماز پوری کی تو پوچھا : کلام کرنے والا کون تھا ؟ اس نے اچھے کلمات کہے ہیں کوئی بری بات نہیں کی۔ اس نے کہا : اے اللہ کے رسول ! میں صف میں ملا تو میرا سانس پھولا ہوا تھا۔ آپ (صلی اللہ علیہ وآلہ وسلم) نے فرمایا : میں نے بارہ فرشتوں کو دیکھا وہ ان کلمات کو اٹھانے میں جلدی کر رہے تھے ۔ پھر آپ (صلی اللہ علیہ وآلہ وسلم) نے فرمایا : جب تم میں سے کوئی نماز کی طرف آئے تو اپنی حالت پر چلتے ہوئے آئے اور جو نماز اس کو مل جائے وہ پڑھ لے اور جو گزر جائے اس کو پوری کرلے۔