Sunan Al Bayhaqi: Hadith 6164

(٦١٦٤) براء بن عازب (رض) فرماتے ہیں کہ نبی (صلی اللہ علیہ وآلہ وسلم) نے عید الاضحی کے دن نماز کے بعد خطبہ ارشاد فرمایا : جس نے ہماری نماز کی طرح نماز پڑھی اور ہماری قربانی کی طرح قربانی کی اس کی قربانی درست ہے اور جس نے نماز سے پہلے قربانی کی، اس کی بکری گوشت کی بکری ہے اس کی قربانی نہیں۔ ابو بردہ براء بن عازب کے خال وہیں، انھوں نے عرض کیا : اے اللہ کے رسول ! میں نے اپنی بکری نماز سیپہلے ذبح کردی اور میں سمجھتا تھا کہ آج کا دن کھانے اور پینے کا ہے اور میں نے پسند کیا کہ میرے گھر میں سب سے پہلے بکری کو ذبح کیا جائے، میں نے اسے ذبح کردیا اور نماز کی طرف آنے سے پہلے اس کا گوشت کھایا، آپ (صلی اللہ علیہ وآلہ وسلم) نے فرمایا : تیری بکری گوشت کی بکری ہیں۔ عرض کیا : اے اللہ کے رسول ! میرے پاس بکری کا بچہ (جذعہ) ہے۔ کیا یہ مجھ سے کفایت کر جائے گا ، جب کہ یہ مجھے دو بکریوں سے زیادہ عزیز ہے۔ آپ (صلی اللہ علیہ وآلہ وسلم) نے فرمایا : ہاں لیکن تیرے بعد کسی سے کفایت نہیں کرے گا۔