Sunan Al Bayhaqi: Hadith 6186

(٦١٨٦) علقمہ فرماتے ہیں کہ عید سے پہلے ولید بن عقبہ حضرت ابن مسعود، ابو موسیٰ اور حذیفہ (رض) کی طرف آئے اور ان سے کہنے لگے کہ عید قریب ہے۔ اس میں تکبیرات کیسے کہنی چاہئیں ؟ عبداللہ بن مسعود (رض) فرمانے لگے کہ ابتدائی تکبیر کہہ، جس سے نماز کی ابتدا ہوتی ہے ، اللہ کی حمد بیان کر اور نبی (صلی اللہ علیہ وآلہ وسلم) پر درود پڑھ۔ پھر دعا کر ۔ پھر تکبیر کہہ کر اس طرح کر پھر قرأت کر اور رکوع کر۔ پھر تو کھڑا ہو تو قرأت کر اور اللہ کی حمد بیان کر نبی (صلی اللہ علیہ وآلہ وسلم) پر درود پڑھ۔ پھر دعا کر پھر تکبیر کہہ پھر اس طرح کر۔ پھر تکبیر کہہ اور اس طرح کر۔ پھر تکبیر کہہ اور اس طرح کر۔ پھر تکبیر کہہ پھر اس طرح کر۔ یہ عبداللہ بن مسعودکا قول ہے۔
ہم ان کی متابعت کرتے ہیں کہ دونوں تکبیروں کے درمیان ذکرکے لیے رکنا ، کوئی اس کی مخالفت نہیں کرتا۔ لیکن ہم تکبیرات کی تعداد اور قرأت کو دونوں رکعات میں مقدم کرنے پر مخالفت کرتے ہیں۔ نبی (صلی اللہ علیہ وآلہ وسلم) کی حدیث اہل مدینہ کا عمل اور مسلمان آج تک اسی پر عمل کرتے ہیں۔