Sunan Al Bayhaqi: Hadith 6258

(٦٢٥٨) عبد الرحمن تیمی فرماتے ہیں کہ ابان بن عثمان مدینہ کے گورنر تھے۔ عید الفطر کی رات سخت بارش ہوئی۔ اس نے لوگوں کو مسجد میں جمع کرلیا اور عید گاہ کی طرف نہیں نکلے، جس میں عید الفطر اور عید الاضحی ادا کی جاتی ہے۔ پھر عبداللہ بن عامر بن ربیعہ سے فرمایا : لوگوں کو بتاؤ جو مجھے بتایا ہے تو عبداللہ بن عامر فرماتے ہیں کہ حضرت عمر (رض) کے دور میں بارش ہوگئی تو لوگ عید گاہ سے رک گئے۔ حضرت عمر (رض) نے ان کو مسجد میں جمع کر کے نماز پڑھا دی۔ پھر منبر پر کھڑے ہوئے اور فرمایا : اے لوگو ! رسول اللہ (صلی اللہ علیہ وآلہ وسلم) لوگوں کو عید گاہ کی طرف نکالتے اور ان کو نماز پڑھاتے۔ کیونکہ آپ (صلی اللہ علیہ وآلہ وسلم) تو ان پر بہت زیادہ نرمی فرماتے تھے اور وسعت دیتے تھی اور مسجد کوئی وسیع نہیں تھی، جب بارش آتی تو وہ تنگ پڑجاتی۔