Sunan Al Bayhaqi: Hadith 6452

(٦٤٥٢) عبداللہ بن عباس بیان کرتے ہیں کہ رسول اللہ (صلی اللہ علیہ وآلہ وسلم) کے دور میں لوگوں کو بارش دی گئی تو آپ (صلی اللہ علیہ وآلہ وسلم) نے فرمایا : آج کچھ لوگوں نے شکر کرتے ہوئے اور کچھ لوگوں نے کفر کرتے ہوئے صبح کی ہے۔ شاکر لوگوں نے کہا : اللہ تعالیٰ نے یہ اپنی رحمت نازل کی ہے۔ انکاریوں نے کہا : فلاں ستارے کا فلاں جگہ پہنچنا درست ہوا اور فلاں وجہ سے بارش ہوئی اور یہ آیت مبارکہ نازل ہوئی : ” سو قسم ہے مجھے ستاروں کے واقع ہونے کی “ آیت ٧٥ سے لے کر آیت نمبر ٨٢ ” اور تم نے اس کا شکریہ اس طرح ادا کیا ہے کہ اس کی نعمتوں کو جھٹلا دیا “ تلاوت کی۔