Sunan Al Bayhaqi: Hadith 6502

(٦٥٠٢) عبداللہ بن عدی انصاری حدیث بیان کرتے ہیں کہ رسول اللہ (صلی اللہ علیہ وآلہ وسلم) ایک مرتبہ لوگوں کے سامنے تشریف فرما تھے کہ ایک آدمی آیا اور اجازت طلب کرنے لگا سر گوشی کیلئے تو آپ (صلی اللہ علیہ وآلہ وسلم) نے اسے اجازت دے دی تو اس نے منافقین میں سے ایک آدمی کے قتل کے بارے سرگوشی کی تو آپ (صلی اللہ علیہ وآلہ وسلم) نے اپنی آواز کو اونچا کیا اور فرمایا : کیا وہ اس بات کی گواہی نہیں دیتا کہ اللہ ایک ہے اس کو سوا کوئی معبود نہیں تو اس نے کہا : جی ہاں مگر اس کا اقرار اقرار نہیں۔ پھر آپ (صلی اللہ علیہ وآلہ وسلم) نے فرمایا : کیا وہ اقرار نہیں کرتا کہ محمد (صلی اللہ علیہ وآلہ وسلم) اللہ کے رسول ہیں تو اس نے کہا : کیوں نہیں لیکن اس کا کوئی اقرار نہیں تو آپ (صلی اللہ علیہ وآلہ وسلم) نے فرمایا : کیا وہ نماز نہیں پڑھتا اس نے کہا : کیوں نہیں ، لیکن اس کی نماز نہیں تو آپ (صلی اللہ علیہ وآلہ وسلم) نے فرمایا : یہی تو ہیں وہ لوگ جن کے قتل سے میں منع کرتا ہوں۔ یہ قطان کی حدیث کے لفظ ہیں۔