Sunan Al Bayhaqi: Hadith 6562

(٦٥٦٢) قیس بن ابی حازم بیان کرتے ہیں : ہم خباب (رض) کی عیادت کیلئے آئے اور انھوں نے جسم لوہے کے ساتھ داغ رکھا تھا۔ انھوں نے کہا : بیشک نبی کریم (صلی اللہ علیہ وآلہ وسلم) کے صحابہ اسلام لائے اور چلے گئے مگر مال نے ان کے اعمال میں کوئی کمی نہ کی اور ہم نے مال پایا مگر تصرف کیلئے مٹی کے بغیر کوئی جگہ نہ ملی ۔ پھر ہم ان کے پاس دوسری مرتبہ آئے ان کی تیمار داری کیلئے اور وہ دیوار بنا رہے تھے تو انھوں نے کہا : بیشک مسلمان ہر اس چیز میں اجر دیا جاتا ہے جو وہ خرچ کرتا ہے مگر اس میں نہیں جسے مٹی میں ملاتا ہے اور اگر رسول اللہ (صلی اللہ علیہ وآلہ وسلم) نے موت کی دعا کرنے سے منع نہ کیا ہوتا تو میں ضرور اس کی دعا کرتا۔