Sunan Al Bayhaqi: Hadith 6594

(٦٥٩٤) عائشہ (رض) سے روایت ہے کہ جب رسول اللہ (صلی اللہ علیہ وآلہ وسلم) مدینہ آئے تو ابوبکر (رض) اور بلال (رض) کو بخار نے آلیا۔ وہ کہتی ہیں : میں ان کے پاس آئی تو میں نے پوچھا : ابا جان ! آپ کیسا محسوس کرتے ہیں اپنے کو اور میں نے بلال سے کہا کہ تم اپنے کو کیسا محسوس کرتے ہو اور وہ کہتی ہیں : جب ابوبکر (رض) کو بخار ہوتا تو کہتے : ” ہر شخص اپنے اہل میں صبح کرنے والا ہے اور موت اس کے جوتے کے تسمے سے بھی قریب ہے اور بلال (رض) جب اکتا جاتے تو کہتے : کیا میں ایک رات ایسی وادی میں گزاروں گا، جہاں میرے ارد گراز خر اور جلیل ہوں گے ۔ کیا کبھی ہم مجنہ کے چشموں پر وارد ہوں گے، کیا میرے سامنے شامہ وطفیل ظاہر ہوں گے۔ سیدہ کہتی ہیں : میں پیارے پیغمبر (صلی اللہ علیہ وآلہ وسلم) کے پاس آئی اور خبر دی تو آپ (صلی اللہ علیہ وآلہ وسلم) نے فرمایا : اے اللہ ! ہمارے لیے مدینے کو محبوب بنا دے جیسے ہمیں مکہ محبوب ہے یا اس سے بھی زیادہ اور اس کی آب وہوا کو درست کر دے اور اس کے صاع ومد میں برکت ڈال دے اور اس کے بخار کو حجفہ منتقل کر دے۔