Sunan Al Bayhaqi: Hadith 6827

(٦٨٢٧) اسامہ بن زید (رض) بیان کرتے ہیں کہ رسول اللہ (صلی اللہ علیہ وآلہ وسلم) گدھے پر سوار ہوئے قطیفہ فدکید کی طرف اور ان کو اپنے پیچھے بٹھایا۔ آپ (صلی اللہ علیہ وآلہ وسلم) سعد بن عبادہ کی تیمار داری کیلئے گئے واقعہ بدر سے قبل تو آپ (صلی اللہ علیہ وآلہ وسلم) چلے یہاں تک کہ آپ (صلی اللہ علیہ وآلہ وسلم) ایک مجلس سے گزرے ، جس میں عبداللہ بن ابی بن سلول بیٹھا تھا ۔ یہ بات اس کے اسلام لانے سے پہلے کی ہے جبکہ اس مجلس میں مسلمان اور مشرک ملے جلے تھے اور بتوں کی پوجا کرنے والے اور یہودی بھی تھے اور اس میں عبداللہ بن رواحہ بھی تھے۔ جب انھیں گدھے کے اڑائے ہوئے غبار نے ڈھانپا تو عبداللہ بن ابی نے اپنی ناک کو ڈھانپ لیا ۔ پھر اس نے کہا : ہم پر گردو غبار نہ اڑاؤ تو رسول اللہ (صلی اللہ علیہ وآلہ وسلم) نے ان کو سلام کیا اور رک گئے۔ اپنی سواری سے اترے اور انھیں اللہ کی طرف دعوت دی اور قرآن کریم کی تلاوت کی اور پوری حدیث بیان کی۔