Sunan Al Bayhaqi: Hadith 6833

(٦٨٣٣) حضرت جابر بن سمرہ (رض) بیان کرتے ہیں کہ نبی کریم (صلی اللہ علیہ وآلہ وسلم) کے پاس ایسے شخص کو لایا گیا جس نے اپنے کو قتل کیا تیر کے ساتھ تو آپ (صلی اللہ علیہ وآلہ وسلم) نے جنازہ نہ پڑھا۔
احمد بن یونس ایک حدیث میں بیان کرتے ہیں کہ ایک آدمی بیمار ہوگیا اور لوگ اس پر چیخے، ایک آدمی رسول اللہ (صلی اللہ علیہ وآلہ وسلم) کے پاس آیا اور اس نے کہا : وہ شخص (مریض) فوت ہوگیا ہے تو آپ (صلی اللہ علیہ وآلہ وسلم) نے فرمایا : وہ فوت نہیں ہوا۔ پھر وہ آدمی چلا تاکہ وہ دیکھے۔ تو اس نے دیکھا کہ اس نے اپنے کو تیر کے ساتھ ذبحہ کرلیا ہے۔ پھر وہ چلا تاکہ آپ (صلی اللہ علیہ وآلہ وسلم) کو خبر دے کہ وہ فوت ہوچکا ہے۔ آپ (صلی اللہ علیہ وآلہ وسلم) نے فرمایا : تجھے کیسے علم ہوا تو اس نے کہا : میں نے دیکھا ہے کہ اس نے اپنے کو تیر کے ساتھ قتل کیا ہے تو آپ (صلی اللہ علیہ وآلہ وسلم) نے فرمایا : تب تو میں اس کا جنازہ نہیں پڑھوں گا۔