Sunan Al Bayhaqi: Hadith 6842

(٦٨٤٢) ابو برزہ اسلمی (رض) بیان کرتے ہیں کہ رسول اللہ (صلی اللہ علیہ وآلہ وسلم) ایک غزوے میں تھے۔ جب آپ لڑائی سے فارغ ہوئے تو فرمایا : کیا کسی کو گم پاتے ہو ؟ تو انھوں نے کہا : اللہ کی قسم ! ہم فلاں فلاں کو گم پاتے ہیں۔ رسول اللہ (صلی اللہ علیہ وآلہ وسلم) نے فرمایا : لیکن میں جلیب کو نہیں پاتا تو صحابہ نے انھیں سات آدمیوں کے پاس پایا جنہیں اس نے قتل کیا تھا۔ پھر انھوں نے اسے قتل کردیا۔ اسے نبی کریم (صلی اللہ علیہ وآلہ وسلم) کے پاس لایا گیا اور آپ (صلی اللہ علیہ وآلہ وسلم) کی خبر دی گئی تو آپ (صلی اللہ علیہ وآلہ وسلم) اس کے پاس آئے اور فرمایا : اس نے سات کو قتل کیا۔ پھر انھوں نے اسے قتل کردیا۔ یہ مجھ سے ہے اور میں اس سے ہوں ۔ اس نے سات کو قتل کیا اور انھوں نے اسے قتل کردیا ۔ یہ مجھ سے ہے اور میں اس سے ہوں ۔ آپ (صلی اللہ علیہ وآلہ وسلم) نے یہ بات دو یا تین مرتبہ فرمائی ۔ پھر انھوں نے اپنے بازؤں سے اشارہ کرتے ہوئے بتایا کہ آپ (صلی اللہ علیہ وآلہ وسلم) کے بازؤں کے علاوہ کوئی چارپائی نہیں تھی ۔ یہاں تک کہ اسے دفن کردیا گیا۔ راوی کہتے ہیں : ان کے غسل کا تذکرہ نہیں کیا۔