Sunan Al Bayhaqi: Hadith 7086

(٧٠٨٥) عائشہ (رض) فرماتی ہیں : جب نبی کریم (صلی اللہ علیہ وآلہ وسلم) کے پاس ابن حارثہ اور جعفر بن رواحہ کے قتل کی خبر آئی تو آپ (صلی اللہ علیہ وآلہ وسلم) اس حال میں بیٹھے کہ آپ سے غم واضح ہو رہا تھا، اور میں دروازے کی دراڑ سے دیکھ رہی تھی اور آپ دروازے کی ایک طرف تھے، ایک آدمی آیا اور عرض کیا : جعفر (رض) کی عورتیں زیادہ رو رہی ہیں۔ آپ (صلی اللہ علیہ وآلہ وسلم) نے انھیں منع کرنے کا حکم دیا تو وہ گیا، پھر دوسری مرتبہ آیا اور کہا کہ وہ کہنا نہیں مان رہیں۔ آپ (صلی اللہ علیہ وآلہ وسلم) نے فرمایا : انھیں منع کر ، پھر وہ تیسری مرتبہ آیا تو اس نے کہا : اللہ کی قسم ! وہ ہم پر غالب آگئیں ہیں اے اللہ کے رسول (صلی اللہ علیہ وآلہ وسلم) ! ان کا خیال ہے کہ آپ (صلی اللہ علیہ وآلہ وسلم) نے فرمایا : ان کے منہ میں مٹی ڈال، میں نے کہا : اللہ تیری ناک خاک آلود کرے تو نے نہ کیا جس کا آپ (صلی اللہ علیہ وآلہ وسلم) نے تجھے حکم کیا ، تو نے رسول اللہ (صلی اللہ علیہ وآلہ وسلم) سے عدم توجہ کو نہ چھوڑا۔