Sunan Al Bayhaqi: Hadith 7440

(٧٤٣٩) جابر (رض) فرماتے ہیں کہ اللہ تعالیٰ نے غنیمت میں بنو نضیر دیے تو رسول اللہ (صلی اللہ علیہ وآلہ وسلم) نے انھیں اسی پر برقرار رکھا، ان کے اور اپنے درمیان معاہدہ کرلیا۔ پھر آپ (صلی اللہ علیہ وآلہ وسلم) نے عبداللہ بن رواحہ کو بھیجا تو انھوں نے تخمینہ لگایا ۔ پھر ان سے کہا : اے جماعتِ یہود ! تم میرے نزدیک سب سے زیادہ ناپسندیدہ ہو، تم نے انبیاء اللہ کو قتل کیا اور اللہ پر جھوٹ بولا نہیں، میرا بغض مجھے اس بات پر آمادہ نہیں کرتا کہ میں تم پر زیادتی کروں، میں نے تمہاری کھجور کا تخمینہ لگایا ہے جو بیس ہزار وسق ہے۔ اگر تم چاہو تو تم لے لو اگر تم انکار کرو تو پھر میرے لیے ہیں تو انھوں نے کہا : اسی بنا پر زمین و آسمان قائم ہیں۔ پھر انھوں نے کہا : ہم نے لے لیا اور تم اپنا حصہ اس سے نکال لو۔