Sunan Al Bayhaqi: Hadith 7536

(٧٥٣٤) حضرت علی بن ابی طالب (رض) فرماتے ہیں کہ نبی کریم (صلی اللہ علیہ وآلہ وسلم) نے فرمایا : میرے پاس چوتھائی عشر لاؤ، ہر چالیس درہم میں سے ایک درہم ، جب تک اس کی تعداد دو سو درہم نہ ہوجائے، اس میں زکوۃ نہیں۔ جب وہ دو سو درہم ہوجائیں اور ان پر سال گزر جائے تو ان میں پانچ درہم ہیں اور تجھ پر کوئی زکوۃ نہیں جب تک بیس دینار نہ ہوجائیں اور جب تیرے پاس بیس دینار ہوجائیں اور سال گزر جائے تو اس میں نصف دینار ہے ، پھر جو زیادہ ہو تو اسی حساب سے زکوۃ ہوگی۔ راوی کہتے ہیں : میں نہیں جانتا کہ زکوۃ اسی حساب سے ہوگی۔ یہ بات علی (رض) نے کہی یا انھوں نے رسول اللہ (صلی اللہ علیہ وآلہ وسلم) سے مرفوعاً بیان کی۔ مگر جریر نے رسول اللہ (صلی اللہ علیہ وآلہ وسلم) سے جو حدیث بیان کی ہے اس میں ہے کہ کسی بھی مال میں کوئی زکوۃ نہیں ، جب تک سال نہ گزر جائے۔