Sunan Al Bayhaqi: Hadith 7608

(٧٦٠٥) حضرت عبداللہ بن عمر (رض) فرماتے ہیں کہ سامان میں زکوۃ نہیں سوائے مال تجارت کے۔ شیخ فرماتے ہیں : یہ قول عام اہل علم کا ہے اور وہ جو ابن عباس سے منقول ہے کہ انھوں نے کہا : مال تجارت میں زکوۃ نہیں، یہ بات امام شافعی نے کتابِ قدیم میں بیان کی ہے کہ ابن عباس سے منقول حدیث کی سند ضعیف ہے اور جو ابن عمر کی حدیث کی اتباع ہے وہ اس کی صحت کے لحاظ سے ہے، لیکن زکوۃ میں احتیاط کرنا زیادہ بہتر ہے۔ صحیح بات یہ ہے کہ جب تجارت مقصود نہ ہو تو اس میں زکوۃ نہیں ہے۔