Sunan Al Bayhaqi: Hadith 8053

(٨٠٥٠) سیدہ عائشہ (رض) فرماتی ہیں کہ ایک آدمی رسول اللہ (صلی اللہ علیہ وآلہ وسلم) کے پاس آیا اور کہا : میں ہلاک ہوگیا ۔ اے اللہ کے رسول ! آپ (صلی اللہ علیہ وآلہ وسلم) نے فرمایا : کیوں بھئی ؟ اس نے کہا : رمضان میں دن کے وقت صحبت کرلی ہے۔ آپ (صلی اللہ علیہ وآلہ وسلم) نے فرمایا : صدقہ کر صدقہ اس نے کہا : میرے پاس کچھ نہیں۔ آپ (صلی اللہ علیہ وآلہ وسلم) نے اسے بیٹھنے کو کہا ، پھر آپ (صلی اللہ علیہ وآلہ وسلم) کے پاس دو ٹوکریاں لائی گئیں جن میں کھانا تھا، آپ (صلی اللہ علیہ وآلہ وسلم) نے ان کا صدقہ کرنے کا حکم دیا ایک روایت میں ہے کہ آپ (صلی اللہ علیہ وآلہ وسلم) نے ٹھہرنے کا حکم دیا، پھر آپ (صلی اللہ علیہ وآلہ وسلم) کے پاس کھانے کی ایک ٹوکری آئی تو آپ (صلی اللہ علیہ وآلہ وسلم) نے فرمایا : اس کو صدقہ کردے۔