Sunan Al Bayhaqi: Hadith 8145

(٨١٤٢) ابن عباس (رض) فرماتے ہیں کہ نبی کریم (صلی اللہ علیہ وآلہ وسلم) مدینے سے نکلے اور آپ (صلی اللہ علیہ وآلہ وسلم) کے ساتھ پندرہ ہزار مسلمان تھے اور یہ ہجرت کے آٹھویں سال کا آغاز تھا۔ آپ (صلی اللہ علیہ وآلہ وسلم) اور آپ کے ساتھ مسلمان روزے کی حالت میں نکلے، پھر جب وہ کدید نامی جگہ پہنچے جو عسفان وقدید کے درمیان جگہ ہے تو آپ (صلی اللہ علیہ وآلہ وسلم) نے افطار کیا اور مسلمانوں نے بھی افطار کیا۔ پھر بقیہ رمضان میں روزہ نہیں رکھا۔
زہری فرماتے ہیں : افطار کرنا آخری حکم تھا اور رسول اللہ (صلی اللہ علیہ وآلہ وسلم) نے ہی اس کا حکم فرمایا تھا اور آخری پر عمل کیا جاتا ہے۔ زہری فرماتے ہیں : پھر رسول اللہ (صلی اللہ علیہ وآلہ وسلم) صبح کے وقت مکہ تشریف لائے اور رمضان کی تیرہ راتیں گزر چکی تھیں۔