Sunan Al Bayhaqi: Hadith 8429

(٨٤٢٦) مجید باھلیہ اپنے باپ سے وہ اپنے چچا سے بیان کرتے ہیں کہ وہ رسول اللہ (صلی اللہ علیہ وآلہ وسلم) کے پاس آئے پھر وہ چل دیے پھر اس کی طرف لوٹے۔ ابوموسیٰ کی ایک روایت میں ہے کہ وہ سال کے بعد آئے ۔ حالت و کیفیت تبدیل ہوچکی تھی ۔ انھوں نے کہا : اے اللہ کے رسول ! کیا آپ (صلی اللہ علیہ وآلہ وسلم) مجھے جانتے ہیں تو آپ (صلی اللہ علیہ وآلہ وسلم) نے فرمایا : تو کون ہے ؟ اس نے کہا : میں وہ باھلی ہوں جو ایک سال پہلے آپ (صلی اللہ علیہ وآلہ وسلم) کے پاس آیا تھا۔ آپ (صلی اللہ علیہ وآلہ وسلم) نے فرمایا : تجھے کس نے تبدیل کردیا۔ تیری تو بہت اچھی ہیت تھی۔ انھوں نے کہا : جب سے میں نے آپ (صلی اللہ علیہ وآلہ وسلم) کو چھوڑا رات کے علاوہ کبھی کھانا نہیں کھایا تو رسول اللہ (صلی اللہ علیہ وآلہ وسلم) نے فرمایا : تو نے اپنے آپ کو عذاب کیوں دیا تو صبر کے مہینے کے روزے رکھ اور ہر ماہ ایک روزہ ۔ اس نے کہا : میرے لیے زیادہ کرو۔ میں طاقت رکھتا ہوں۔ آپ (صلی اللہ علیہ وآلہ وسلم) نے فرمایا : ہر مہینے دوروزے رکھ۔ اس نے کہا : اور اضافہ کرو میں۔ مزید طاقت رکھتا ہوں تو آپ (صلی اللہ علیہ وآلہ وسلم) نے فرمایا : پھر تو تین دن کے روزے رکھو۔ عبدالواحدنے یہ اضافہ کیا ہے کہ ہر ماہ ۔ اس نے کہا : میرے لیے اضافہ کرو مجھ میں قوت ہے۔ فرمایا : حرمت والے مہینے میں روزہ رکھ اور افطار کر۔ حرمت والے مہینے میں روزے رکھ اور افطار کر۔ حرمت والے مہینے میں روزے رکھ اور افطار کر۔ آپ (صلی اللہ علیہ وآلہ وسلم) نے اپنی انگلیوں سے تین بتائے ان کو بند کیا اور کھولا۔